Nice yıllardır ser-i kûy-ı melâmet bekleriz
Leşker-i sultân-ı ‘irfânız velâyet bekleriz
Sâkin-i hâk-i der-i meyhâneyiz şâm ü seher
İrtifâ’-i kadr için bâb-ı sa’âdet bekleriz
Cîfe-i dünyâ değil kerkes gibi matlûbumuz
Bir bölük ‘ankâlarız kâf-ı kanâ’at bekleriz
Hᵛâb görmez çeşmimiz endîşe-i ağyârdan
Pâsbân-ı genc-i esrârız mahabbet bekleriz
Sûret-i dîvâr ediptir hayret-i ‘aşkıñ bizi
Gayr seyr-i bâğ edip biz künc-i mihnet bekleriz
Kârvân-ı râh-ı tecrîdiz hatar havfın çekip
Gâh Mecnûn gâh ben devr içre nevbet bekleriz
Sanmañız kim geceler bîhûdedir feryâdımız
Mülk-i ‘aşk içre hisâr-ı istikâmet bekleriz
Yattılar Ferhâd u Mecnûn mest-i câm-ı ‘aşk olup
Ey Fuzûlî biz olar yattıkça sohbet bekleriz

Fuzuli