Sabâ lûtf ettin ehl-i derde dermândan haber verdin
Ten-i mecrûha cândan cânandan haber verdin
Hazân-i gamda gördün iztırâbın bülbül-i zârın
Bahâr eyyâmı tek gül-berg-i handândan haber verdin
Sözünü vahy-i nâzil ger desem ben hiç küfr olmaz
Cihânı tutmuş iken küfr îmândan haber verdin
Süleymân mesnedinden dîv-i güm-reh rağbetin kestin
Denizde hâtem-i hükm-i Süleymân’dan haber verdin
Dediler yâr uşşâkın gelir cem etmeye gönlün
Meger kim yâre uşşâk-i perişandan haber verdin
Fuzûlî rûzgârın tîre gördün şâm-i hicrânda
Nesim-i subh tek hur-şîd-i rahşândan haber verdin

Fuzuli