Ney kimi her dem bî bezm-i vaslını yâd eylerim
Tâ nefes vardır kuru cismimde feryâd eylerim
Rûz-i hicrândır sevin ey murg-i rûhum kim bu gün
Bu kafesten ben seni elbette âzâd eylerim
Vehm edip tâ salmaya sen mâha mihrin hiç kim
Kime yetsem cevr ü zulmünden ana dâd eylerim
Kan yaşım kılmaz vefâ giryan gözüm isrâfına
Bunca kim her dem ciğer kanından imdâd eylerim
İncimen her nice kim ağyâr bi-dâd eylese
Yâr cevriyçin gönül bi-dâda mu’tâd eylerim
Bilmişim bulman visâlin lik bu ümmîd ile
Gâh gâh öz hâtır-i nâ-şâdımı şâd eylerim
Levh-i âlemden yudum eşk ile Mecnûn adını
Ey Fuzûli ben dahi âlemde bir ad eylerim

Fuzuli