Ucaldın kabrim ey bî-derdler seng-i melâmetten
Ki ma’lum ola derd ehline kabrim ol alâmetten
Mezârım üzre koyman mîl eger kûyunda can versem
Koyun bir sâye düşsün kabrime ol serv-kâmetden
Görem sâ’atte ol kamette kıyâmın kıymadım câna
Kıyâmet hem gele kurtulmayam ben bu nedâmetten
Kıyâmete hisâbı olmayanlardandır ol gâfil
Ki fark eyler firâkın şâmını subh-i kıyâmetten
Tarîk-i sabr ü tedbir-i selâmet lezzetin bilmen
Bana aşk ü melâmet yeğ gelir sabr ü selâmetten
Tabi’at inhirâfın gör hevâ-yi aşktan tende
İlac et düşmeden sâkî mizâcım istikâmetten
Fuzûlî geç selâmet kûçesinden sabr kûyundan
Ferâgat olmayan yerde sefer yeğdir ikâmetten

Fuzuli