Ey vücûd-i kâmilin esrâr-i hikmet masdarı
Masdarı zâtın olan eşyâ sıfâtın mahzarı
Mahzarı her hikmetin sensin ki kilk-i kudretin
Safha-i eflâke nakş etmiş hutût-i ahteri
Ahteri mes’ûd olan oldur ki tab’-i pâk ilen
Kâbili feyz ola lûtfundan safâ-yi cevheri
Cevheri ma’yûb olan nâkış benim kim muttasıl
Sâdedir hattın hayâlinden zamîrîm defteri
Defteri a’mâlimin hatt-i hatâdandır siyâh
Kan döker çeşmim hayâl ettikçe hevl-i mahşeri
Mahşeri eşkim verir seyl-âba Ger Rûz-i cezâ
Olmada makbûl-i der-gâhın sirişkim gevheri
Gevheridir aşk bahrinin Fuzûlî âb-i çeşm
Lîk bir gevher ki lûtf-i Hak anadır müşterî

Fuzuli