Gel cân ile gönülden
Yâ Hû diyelim ‘âşık
Bûy almağa bu gülden
Yâ Hû diyelim ‘âşık

Zikri idelim pîşe
Dilden gide endîşe
Hakk’dan meded irişe
Yâ Hû diyelim ‘âşık

Hû özge mu’ammâdır
Miftâh-ı müsemmâdır
Müstecmi’-i esmâdır
Yâ Hû diyelim ‘âşık

‘Âlem doludur Hû’dan
Âdem olupdur Hû’dan
Yüzler soludur Hû’dan
Yâ Hû diyelim ‘âşık

Sûretde lisân ile
Ma’nâda cenân ile
Her türlü zebân ile
Yâ Hû diyelim ‘âşık

Hakkı kulu gûş idüp
Bu şerbeti nûş idüp
Deryâ gibi cûş idüp
Yâ Hû diyelim ‘âşık