Resûl-i müctebâ ‘ayn-i derde devâsın sen
Musahhar emrine ‘âlem Muhammed Mustafâ’sın sen

Cihânı Hazret-i Allah yaratdı zâtına mahsûs
Sana Allah bile ‘âşık Habîb-i Kibriyâ’sın sen

Senin zât-ı şerîfindir bütün ‘âlemlere rahmet
Garîb ü bîkese dermân bütün derde devâsın sen

Cihânı zulmet-i şirkden halâs etdin muhakkak ki
Karanlık kalblere nûr-i ilâhî zıyâsın sen

Şefî’a’l-müznibîn vasf-ı şerîfindir günâhkâra
Terahhum edüp imdâd eden sâhibü’l vefâsın sen

Akar gözyaşlarım ‘aşk-ı Resûlullah için her ân
Meded ya sâhibe’l-imdâd yetiş lutf-i Hudâ’sın sen

Büyükdür lutf u ihsânın kapın dârü’l-emândır
Garîb ü bîkese me’vâ sahiyyü’l-eshiyâsın sen

Terahhum eyleyip şâhım yetiş Fâhir günâhkâra
Bütün düşkünlere melce’ ‘ayn-i şifâsın sen