Var var ey gönül dîn yoluna sen gâfil olma
Dînini hâsıl eyle gönül bî-hâsıl olma

Uyuma gönül aç gözünü dört yana bir bak
Divşür ögünü kendözüne kem ‘akıl olma

Sen diler isen ‘aşk ile âşinâ olasın
Meskeneti tut zinhâr ey gönül fuzûl olma

Hulkunu gönül Mustafâ gibi şîrîn eyle
Çirkin hevâ ile altun iken kara pul olma

Cehd eyle hemân ‘aşk eteğine elin irsin
‘Aşk sâfî kılar seni gönül hîç melûl olma