Rûh-ı pâk-i mürşid-i yektâ cenâb-ı Ahmed’e
Sâye-i arş-ı İlâhîdir muallâ âşiyân
Matla-ı feyz-i velâyettir o kutbü’l-vâsılîn
Sırr-ı ferdiyet olurdu vech-i pâkinden ıyân
Râh-ı Şaban-ı Velî’de ekmel-i devrân olup
Ehl-i hâle kıble-i irfân idi birçok zaman
Âh kim yükseldi lâhût-i muhît-i vahdete
Oldu envâr-ı tecellî-i bekâda bî-nişân
Neşvebâr oldukça envâr-ı cemâli kalbime
Parlıyor pîşimde eşvâk-ı safâ-yı câvidân
Cezbe-i vahdetle Sâmî söyledim târîh-i tâm
Gitdi gülzâr-ı cemâle pîr-i efrâdı cihân