Benim Vehhâb u Muğnî bir şehen-şâh-ı Kerîm’im var
Ne kesbe iktidârım var ne çok mâlım ne sîmim var

Günâhı bî-hisâb diyüp gıdâmı kesmez ol hergiz
İder türlü ni’am ihsân bana Rabbü Rahîm’im var

‘İkâb itmez bana hem ‘aybımı setr eyler ol dâim
Umaram rahmetin her an Hudâvendâ Halîm’im var

İşidir ol nidâmı hem kabûl eyler du’âmı kim
Kazâ eyler kamu hâcâtı Mennânu ‘Azîm’im var

Ana Kuddûsî-yi miskîn tevekkül eyleyüp dir kim
Benim ahvâlimi bilir Habîr’im hem ‘Alîm’im var