Resûlullah buyurmış ehl-i ‘ukbâya haram dünyâ
Dahi ‘ukbâ harâmdur ehl-i dünyâya inan aña
****
Hudânın ehli ‘uşşâka harâmdur bu ikisi bil
Sakın meyi itme ey sâlik harâmdur mâ-sivâ saña
****
Gice gündüz çalış tevhide ol ‘âşık unut gayrı
Münafıklar disünler kim delidür bu mürâ’î yâ
****
Olur ‘ışk zikr ile hâsıl gönülde ez-kadîm ‘âdet
Akar Nîl-i mübârek-veş tolar kalbe olur derya
****
Celîsi zâkirin çün Hak Te’âlâ Hazreti imiş
Hemân zikr eyle Kuddûsî saña olsun celîs Mevlâ

Ahmed Kuddusi