Merdüm-i dîdeme bilmem ne füsûn etti felek
Giryemi kıldı hûn eşkimi füzûn etti felek
Şîrler pençe-i kahrımdan olurken lerzân
Beni bir gözleri âhûya zebûn etti felek
****
Mahabbet şâhınun bir bende-i fermânıyız cânâ
Gedâ-yı kûy-ı aşkuz âlemün sultânıyız cânâ
Ruhun anub n’ola kûyunda feryâd u figan itsek
Fenâ gülzârının bir bülbül-i nâlânıyız cânâ
Ademden gelmeden bezm-i vücûda bâde ol demden
Lebün esrârının biz vâlih ü hayrânıyız cânâ
Nice demden mukîm-i vâdî-i derd ü gam-ı aşkız
Ser-i kûy-ı vefânun sanma kim mihmânıyız cânâ
Selîmî-veş lebün vasfın idüb şîrîn kelâm ile
Zamânun himmetünle Hüsrev-i devrânıyız cânâ