Nefse esîr itme beni kaydından vir bana halâs
Cân isteye cândan seni bu tenden vir bana halâs

Sensiz seni her kim diler işi hebâ durmaz yiler
Nefsim neler câna kılar düşmenden vir bana halâs

Derde düşürem ben beni hem isteyem dâim seni
Bilmez olam dün ü günü nefsimden vir bana halâs

‘Ummân-ı ‘aşk cûş eyleye gönül girdâbın boylaya
Türlü türlü dür toplaya mevcinden vir bana halâs

Düşem girdâbına anın çekmeyem kaydını cânın
DEmin urmayam ‘irfânın benlikden bir bana halâs

Dil kenz-i lâ yefnâ bula ana gaynı cândan ola
Cân tahtına sultân gele ağyârdan vir bana halâs

Ol dergâha her dem duram anda dostun yüzün görem
Her merâma heme irem derbândan vir bana halâs

Düşem hakîkat bahrine dalam gavvâs-veş ka’rına
Ünsî ire ol yârına ağyârdan vir bana halâs