Sen bilirsin yâ ilâhî hâlimiz
Sana ma’lûm cümle-i ahvâlimiz

Kıl şühûd-ı vahdet-i zâtın ‘atâ
Ola nûrunla münevver bâlimiz

Eyle bî-yantık rumûzunu ‘ayân
Arada kalmaya kıyl ü kâlimiz

Taht-ı teshîrindedir iki cihân
İt muvâfık hükmüne ef’âlimiz

Senden olur yine bu derde devâ
Ger geçerse sad-hezârân sâlimiz

Eyledin çünki “aradnâ”ya emîn
İre tafsîle yine icmâlimiz

Bu vücûdun kur’asın aslına sal
Ola ferhunde Fenâyî fâlimiz