Hey yürü cânânı iste cânını terk it
Sıdk u yakîn ile gel gümânını terk it

Diler isen lâ-mekâna irişesin sen
Seyr ü sefer kıl yürü mekânını terk it

Gel berü ger kârubân-ı ‘aşka uyarsan
Yolda kamu assı vü ziyânını terk it

‘Âşık-ı dîdâr isen ko her dü cihânı
Zâhid isen bâri hânümânını terk it

Da’vâyı gerçeklik eyleme ey yalancı
Ger gerçeksen gerçekl yalanını terk it

Kıyl ile vü kâl ile çü bitmez imiş iş
İmdi dürüş hâl ile lisânını terk it

Tâ’ati dükkân idinme yime dînînden
Kedd-i yemînini yi ol dükkânını terk it

Perdedir Ümmî Kemâl sana bu kuru ad
Senliği mahveyle ad u sanını terk it

Tapma bu halkın sana fülân didiğine
Varlığı vir yokluġa fülânını terk it

İşbu sözü ey ‘azîz sen sana alınma
Nefsime direm ki yatlu sanını terk it

Kendi kusûrum durur ki dilime geldi
Sen dahi var ise o şânını terk it